نيشان كنه يقابل مع واحد عادي ..
ماشاء الله على هاللبنانين ميانه مع سياسيينهم
ماعلينا ..
سليم تكلم عن طفولته .. و أن ابوه مات وهو عمره سبعة شهور
وعن حبة لتربية الحيوانات
وانه كان مربي قطوة أسمها ستيلا و عنده كلابه تكرموووون
و كان يحب خروف جيرانهم لدرجة أنه يوم شافهم يذبحونه
ما عاد كل عقبها لا لحم ولا دجاج ولا سمك .. نباتي بمعنى أصح
وتكلم عن دراسته وهو صغير .. كان ناشب في أمه تدخله مدارس تعليم
أنجليزي .. وأمه معيه تقول تكاليفها غالية ..
لكن جت بنت خالته صفية اللي متزوجة من غني و تكفلت بالموضوع
و درس لمدة أربع سنين ثمن ماعاد قدرت تدفع له التكاليف
لكن نزل له ورث ... جدته مدري من مات لها ودبروا الموضوع
و تكلم عن حبة للموسيقى .. وانه كان يفتح الدريشة علشان يسمع
برنامج ما يطلبة المستمعون من راديو الجيران ..
لين ما جت صفية بنت خالته وشرت له راديو .. ذا الصفية تفك أزما
وتكلم عن حياته وهو طالب . . وأنه مسك كم وظيفة من بينها
جنانيني يالدلعدي يزين حديقة الجامعة ..
و أنه فترة دراسته كان فيه مسابقة لأفضل تأليف مسرحية و كتب هو
مسرحية مطحنة عامر .. و خذ المركز الثاني عليها
و تكلم عن أول راتب له و كان 300 ليرة و على طول شرى بها غسالة لأمه
تكلم عن تدخل سوريا في انتخابات لبنان 2000
و أنهم طلبوا منه يدخل واحد شيعي من طرف سوريا
و رفض سليم يدخله و كان الثمن سقوطه في الانتخابات ..
و كانت أول مرة يسقط فيها رئيس الوزراء في الانتخابات ..
و السبب الأجهزة السورية واللبنانية
علشان كذا قدم استقالته واعتزل السياسة 3/سبتمبر /2000
تكلم عن لقائه ببشار الأسد قبل لا يتولى بشار الرئاسة و كان بشار يطلب من سليم
يرشح له واحد لرئاسة لبنان .. ههههههههههه وش هالقطة ياسوريا
المهم هو رشح أميل لحود .. أما اليوم يرشح رياض سلامة
حكمة سليم في الحياة .. يكون المسئول قويا إلى أن يطلب أمرا لنفسه
و بيطلع كتاب بعد عشرة أيام عنوانة سلاح الموقف
وبكرة مع سعاد
###
لقاء الإعلامية .. سعاد قاروط العشي
بلخص اللقاء في نقاط ..
1- طفولتها عادية .. لكن فيها شقاوة
2- في حفل تكريم لها .. دق عليها إلياس الهراوي في البيت
وهناها و من كثر فرحه لتكريمها صاح هههههههه امحق رئيس
3- تزوجت زواج منطقي وعقلاني .. بس حبت زوجها
و تعتبر أن الحب أساس الحياة ..
4- قدمت في استديو الفن في بداياته .. يعني في السبيعنات
و تحب سيمون أسمر وتحترمه
5- عيالها ثلاثة ( مازن / محمد / تمارا )
مازن يعيش في كندا مع زوجته ..
ومحمد وتمارا في أمريكا .. وكلموها من هناك وصاحت
6 تمنت ثلاث أمنيات ..
أول أمنية.. يرجعون عيالها من الغربه
ثاني أمنية .. يتحرر لبنان من كل رجس أجنبي
و لا أخفيكم انها تحمست في هالنقطة وفتنت
ثالث أمنية ... تحتفظ فيها في قلبها
7- تكلمت عن المنافسات الإعلامية .. لدرجة أن صديق إعلامي لها
كان يكلم ضيوفها و يخليهم يتراجعون عن مقابلة سعاد
لكنها حلت الموضوع بالمواجهة .. كلمت صديقها وواجهته وحلت المشكلة
8- تعتبر سعاد هي الاعلامية الوحيدة اللي حضرت اتفاقية الطائف
9- اشتغلت في تلفزيون لبنان و ردايو وتلفزيون العرب و بعدين NBN
وودها بالجزيرة .. مع أن قد جاها عرض من الجزيرة بس رفضته
علشانها ما تبي تترك لبنان
10 - أعترفت انها داخلة للإعلام بالواسطة
11- جتها لوحة تشكيلية من الفنانة ميشلين دمعة
12- تعتبر المذيعتين ( رنا قاسم / زينة فياض ) متأثرين فيها
###
شكرا
